Handball – « Mondial 2023 »: Lavo i Frantsa, tompondaka i Danemark

Voahosotra ho tompondaka eran-tany amin’ny taranja handball ny ekipan’i Dane­mark. Lavon’izy ireo tamin’
isa 34 no ho 29 ny Les Bleus an’i Frantsa. Lalao izay no­tanterahina tao amin’ny kianjan’ny Tele2 Arena Stock­holm, ny alahady lasa teo.
Raha hiverenana ny la­laon’izy ireo, nanindry tanteraka ny ekipan’i Danemark. Porofon’izany, nitarika ta­min’ny isa 6 no ho 2, i Da­nemark, teo amin’ny faha-5 minitra nanombohan’ny la­lao. Niezaka ihany anefa ny Frantsay ka nisaraka tamin’ny isa tery 16-17 izy ireo teo amin’ny fizaram-potoana voalohany, nitarika hatrany ny Danoa.
Nitaky tamin’ireo mpilalao frantsay ny havizanana. Araka izany, mora tamin’ny Danoa ny nandavo azy ireo, tamin’ny isa 29 no ho 24.
Tsy afa-bela tamin’i Dane­mark indray izany ny Les Bleus Frantsa.

Fitia (Mpianatra asa)