Naratra mafy vokatry ny tombok’antsy nahazo azy, namoy ny ainy teny amin’ny CSB II Sahamena, Lanary fokontany sahamena, kaominian Andrainjato/centre, distrikan’i Lalangina, ny alin’ny 26 janoary teo ny vehivavy iray .
Vao 18 taona monja, tsy niala alavitra akory ny trano fonenany fa teo amin’ny 300 m ity vehivavy ity. Tsy nisy nahita izay nanatona azy sy nampihatra ny habibiana taminy anefa ireo manodidina. Olona sendra nandalo no nahita azy nihosin-dra. Nentin’ny tomponandraikitra nihazo ny CSBII avy hatrany izy hamonjena ny ainy. Voatsatok’antsy teo amin’ny tendany io vehivavy io ka nanao sarotra ny fanavotana azy. Tsy tana, arak’izany, ny ain’ity farany. Ny ampitson’io andro io, naharay antso avy amin’ny ben’ny Tanàna ao an-toerana ny zandary mahakasika ny fisian’ity trangan-javatra ity.
Miroso amin’ny fanadihadiana lalina ny mpitandro filaminana amin’izao fotoana.
Tsiferana R.
French