Mpangalatra moterana fiara ikoizana voasambotra tao Mangarivotra-Andrefana, anatin’ny distrikan’i Manakara, ny alin’ny 27 hifoha ny 28 janoary teo. Ny marainan’ny asabotsy teo, naharay fitarainana ny zandary fa nisy andian-jiolahy nibata ny moterana fiara tsy mataho-dalana miisa roa tao amin’io fokontany io. Nanao ny fikarohana avy hatrany ny mpitandro filaminana. Tra-tehaka tao Mangarivotra ihany ireo jiolahy efatra. Teo am-pandravana ny motera izy ireo izao noraisim-potsiny izao. Nirifatra nandositra kosa ny roa hafa naman’izy ireo. Mitohy ny fikarohana ireto farany. Amidin’izy ireo antsinjarany amin’ny mpanao fiara sy ireo mila izany avokoa ireo motera izay avy hangalarin’izy ireo.
Tsiferana R.
French