Tontosaina anio, eny amin’ ny Tranombokim-pirenena Anosy, ny velan-kevitra “Ny fombam-pitenenena malagasy”. Hetsika karakarain’ny fikambanana Famoloana Telozoro, “Tanjona amin’izao ny hanokatra sehatra ifanakalozam-pahalalana mikasika ny kolontsaina sy ny literatiora ary ny teny malagasy eo amin’ ny samy mpanoratra sy izay liana amin’izany.” hoy i Sitraka Feno Tanteraka, izy izay hitondra ny velan-kevitra anio.
Hetsika fampiroboroboana sy fanandratana ny kolontsaina sy ny literatiora malagasy, atao isaky ny alarobia voalohany amin’ny volana ity tafaverina ity. Ho an’ity volana febroary ity. Valan-kevitra momba ny “Ny fombam-pitenenana malagasy” no ho hita eny amin’ny Tranombokim-pirenena malagasy, ao amin’ ny efitrano Dox, anio amin’ny 2 ora sy sasany. Ny ohabolana sy ny oha-pitenenana Malagasy no haroson’i Sitraka Feno Tanteraka amin’ izany.
Isan’ny tanjona amin’izao ihany koa ny fitazonana sy famerenan-kasina ny kolontsaina, indrindra ny teny malagasy.
Lin (Mpianatra asa)
French