Mbola mangatsiaka ny atmosfera eto afovoan-tany ao anatin’ny hateloana ary vinavinaina hisitraka rotsakorana hatrany ny tapany hariva mandritra ny telo andro manaraka, hoy ny sampana famantarana ny toetry ny andro, omaly. Hahazo orana ny tapany andrefan’ny Nosy raha hiatoato kosa izany ho an’ny ilany atsinanana. Mbola manorana ny tapany atsimo andrefana sy ny atitaty any atsimo fa ho maina ny morontsiraka. Tsy ahina hisy fiforonana androratsy any an-dranomasina ho an’ny telo andro manaraka fa manara-maso ny fivoaran’ny toetry ny andro hatrany ny teknisianina.
Momba ny maripana, 16°C ny maripana farany ambany ary 22°C eto Antananarivo anio sy rahampitso. Any Maevatanàna, mahatratra 35°c ny maripana farany ambony.
Nihatsara ny kalitaon’ny rivotra teto Antananarivo tamin’ity herinandro ity, ambany ny tahan’ny fivangongoan’ny singa mandoto ny rivotra raha mitaha amin’ny fenitra napetraky ny OMS. Ho an’ny telo andro manaraka, antonony ny kalitaon’ny rivotra.
Vonjy
French