Nitrangana haintrano mahatsiravina tao amin’ny fokontany Aviavazaha, kaominina ambanivohitr’i Maromitety, distrikan’i Vavatenenina, ny alakamisy maraina lasa teo. Raha ny angom-baovao voaray,vokatry ny afon’afokasoka natao tamina kitay notondrahana solika fandrehitra no nahatonga ny loza. Nahazo ny rindrina falafa ilay afo ka niakatra nahazo ny tafon-trano vita amin’ny ravina. Nijoalajoala ny afo ka nalaky ny fiitaran’ny afo ary nahazo ny trano manodidina. Kila hotohoton’ny afo ny trano miisa 11. Raim-pianakaviana iray kosa naratra nandritra ny famonjena voina. Ny fokonolona teo an-tanàna ihany no nifanome tanana tamin’ny famonoana ny afo. Tsy misy mpamonjy voina toy ny an’ireo kaominina hafa rahateo ao an-toerana ka isan’ny nampanano sarotra ny fifehezana ny afo. Teo amin’ny reniranon’i Sahavaviana no naka rano nentina namonoana ny afo ka voafehy ihany taorian’izay.
Sajo/J.C
French