Tafiditra ao anatin’ny andiany faha-136 ny «Concert classique de midi». Hiaka-tsehatra etsy amin’ny Institut Français de Madagascar (IFM) Analakely amin’ny talata 14 febroary izao, manomboka amin’ny 1 ora tolakandro tsy diso, ny Quatuor Squad miaraka amin’i Tohy Ramaroson hitendry ny «contrebasse». Fandaharam-potoana nomanin-dry zareo amin’izany ny famelomana ny sanganasan’i Ludwig Van Beethoven, Maurice Ravel, Adolphe Blanc, He Zhanhao, Léonard Bernstein, Carlos Gardel, sns.
Marihina fa ankoatra ny fanatanterahina seho tahaka izao, anisan’ny nahafantarana ny Quatuor Squad ny fiarahana amin’ireo mpihira manana ny lazany toa an’i Tovo J’hay. Nomarihin-dry zareo fa andro hanamarihana ny «Fetin’ny mpifankatia» ny 14 febroary, noho izany, atolotra ho an’ny mpifankatia sady hanasana azy ireo manokana ity seho ity.
HaRy Razafindrakoto
French