Manana roa volana mahery hisoratana anarana ireo mpianatra hanala fanadinana bakalorea eto Madagasikara. Misokatra nanomboka ny 6 febroary ka hifarana amin’ny
07 Aprily hoavy izao izany, raha ny tatitra voaray avy amin’ny minisiteran’ny Fampianarana ambony, omaly. Voakasik’izany avokoa ny fanadinana bakalorea amin’ ny ankapobeny sy ny bakalorea teknika.
Manomboka amin’ny 17 hatramin’ny 21 jolay izao kosa ny fotoanan’ny fanadinam-panjakana bakalorea ankapobeny sy teknika tapany voalohany. Mitohy ny 24 hatramin’ny 27 jolay 2023 kosa ny tapany faharoa ho an’ny tekinika. “Tsara raha karakaraina dieny izao ny antontan-taratasy ho an’ny mpianatra manala fanadinana” hoy ireo mpianatra nanontaniana. “Mba hialana amin’ny fahadisoana eo amin’ny fotoana satria ela ela ihany ny fikarakarana taratasy amin’izao” hoy hatrany izy ireo. “Homanina dieny izao koa ny saina mba ho vonona hiatrika ny fanadinana” hoy ny sasany.
Misy ny fahasamihafan’ny saram-pisoratana anarana eny anivon’ny sekoly tsirairay avy eny raha ny tatitra voaray hatrany. Mahatratra 15000 Ariary ny saran’ny fisoratana anarana ho an’ireo kandida miankina amin’ny sekoly. Mahatratra 50.000 ariary izany ho an’ny kandida tsy miankina. 100.000 Ariary kosa ho an’ireo mpianatra vahiny sy avy any ivelany.
Mino (mpianatra asa)
French