Namoaka fanambarana ny antoko RDS, tarihin-dRakoto Andrianiriana Fetison, ny 6 febroary teo. Nanentana ny Ceni izy hampiantso ireo mpisehatra rehetra momba ny fifidianana.
“Aoka isika hifampidinika ao anan’ny fe-potoana faran’ ny haingana. Maika izao raharaha izao, ka tsy azo hanjehena ny andro ho lava », hoy izy.
Tanjon’ny dinika ny fitsirihana ny fikarakarana ny fanavaozana ny lisi-pifidianana ka hijerena ny fomba fanisana ireo mpifidy. Ny fampiasana ireo rindram-baiko, ny fanitsiana ireo lisitra tsy lavorary. Eo koa ny fandaminana ny fanangonana sy fanaraha-maso ireo voka-pifidianana. Ialohavan’ny fankatoavan’ireo mpisehatra rehetra momba ny fifidianana izany. Hofaritana koa ny tetibolam-pandaniam-panomanana ny fifidianana. Handray anjara amin’izany ny fitondrana sy ireo mpiara-miombon’antoka.
Hifanaraka ka hanao sonia fitsipi-pitondran-tena koa ireo mpisehatra rehetra momba ny fifidianana mba ho azo antoka, tsy miandany ary mangarahara izany. « Fifidianana andraisana sy eken’ny rehetra, mitondra ho amin’ny fitantanana mahomby sy mendrika », hoy ny RDS. Miantso ny rehetra handrava ny fifankahalana sy ny tsy fifampitokisana koa izy ireo.
Synèse R.
French