Noraisin’ny filohan’ny Antenimierandoholona, Razafimahefa Herimanana, tetsy Anosy ny Vovonana miaradia “Miaraka amin’i Andry Rajoelina – Diaspora”, afakomaly. Namelabelatra ny foto-keviny sy ny tanjony ary ny hanampiana ny firenena sy ny vahoaka ny birao, ny Dr Rakotoniaina Zo. Nambarany fa eo am-pandinihana ny fanampiana ho an’ny mpiray tanindrazana traboina izy ireo. Tahaka ny efa nataon’ity vovonana ity, tamin’ny taon-dasa noho ny rivodoza. Nihazo ny any Mahajanga, avy hatrany ny tenany, nanao famelabelaran-kevitra amin’ny maha manampahaizana momba ny fitsaboana azy ka hampitany ny traikefany amin’ireo mpitsabo any an-toerana. “Tanjona ny hampandroso miaraka an’i Madagasikara ka hitondra ny azonay atao izahay Diaspora amin’ny fananana ireo manampahaizana maro eo amin’ny sehatra samihafa”, hoy izy.
Tsiahivina fa fivondronan’ ny antoko politika sy fikambanana samihafa, monina any ivelany ny Vovonana Miaradia. Nijoro nanomboka ny taona 2021.
Synèse R.
French