Ho maina ny toetry ny andro saika manerana ny Nosy ao anatin’ny hateloana ankoatra ny faritra Boeny sy Sofia ary ny toerana vitsivitsy amin’ny ilany andrefan’ny afovoan-tany, araka ny fanazavan’ny tomponandraikitra ao amin’ny sampana famantarana ny toetry ny andro. Hahazo orana tandrifin-drahona Analanjirofo. Manomboka amin’ny alakamisy vao hahazo orana bebe ny eto afovoan-tany. Tsy mbola misy fiantraikany amin’ny toetry ny andro eto amintsika ilay rivodoza fa lavitry ny morontsiraka. Ho an’ny maripana, mafana ny andro fa manodidina ny 28°C hatrany ny maripana ambony indrindra.
Ho an’ny anio, 16 ka hatramin’ny 27°C ny maripana eto Antananarivo. Mahatratra 36°C izany ho an’i Maevatanàna. Hitoetra hatrany ny orana tandrifin-drahona mety harahin-kotroka any Diana, Sofia, Boeny ary Melaky ny tapany hariva. Handrahona amin’ny ankapobeny any Menabe ary harahin’orana malefaka izany indraindray any Analanjirifo. Handrahona mitsitokotoko na hibaliaka ny masoandro any an-kafa.
Vonjy
French