Anisan’ireo nitondra takaitra taorian’ny fandalovan’ny rivo-doza farany teo ary mitoka-monina tanteraka ankehitriny ny distrikan’Ambato Boeny.
Araka ny efa nambaran’ny filoham-pirenena, Rajoelina Andry nandritra ny diany tao Marovoay ny herinandro lasa teo, tonga nitondra fanampiana ireo tokantrano traboina miisa 1105 tao Ambato Boeny izy ny faran’ny herinandro teo. Dibo-drano ny ankamaroan’ny tanimbary tao an-toerana. Nitondra masomboly ho an’ny tantsaha hoentina hanarenana ny vokatra izay rava ny tenany. Ankoatra izay, notolorana fanampiana manokana ireo fikambanam-behivavy miisa 56 sy ny olona marefo : zokiolona sy vehivavy bevohoka. Hahafahan’ireo ben’ny Tanàna manakaiky bebe kokoa ny vahoaka, nomena moto ihany koa izy rehetra ao amin’ny distrikan’Ambato Boeny.
Nambaran’ny filoha Rajoelina Andry fa tokantrano 2570 no hisitraka lelavola 120.000 Ar iarahana amin’ireo mpiara-miombon’antoka. Efa miatrana ao Ambato Boeny koa ny « clinique mobile » izay manome fitsaboana sy fizaham-pahasalamana maimaimpoana ho an’ireo rehetra mila izany.
Namaly ny fangatahan’ny mponina, mikasika ny tsy fandriampahalemana ao an-toerana ny filoha. Handefa miaramila maro hampandry fahalemana ny fitondram-panjakana. Efa an-dalam-pahavitana ny biraon’ny kaomisaria ao an-toerana. Homena fampitaovana ny polisy hahafahan’izy ireo hanatanteraka ny asany.
Vonjy
French