Hatolotra ny fampanoavana ny renikely nahavita nanao herisetra tamin’ny zana-badiny. Voasambotry ny polisy avy ao amin’ny kaomisaria Sambava, ny zoma teo, izy noho ny fandratrana sy famonoana ankizy. Ankizilahy 6 taona ity niharan’ny herisetra ity tao amin’ny fokontany Antsirabe Sambava. Nikiakiaka nitomany ilay ankizy rehefa novonoiny sy nodarohany tao an-trano. Nandre izany ny olona manodidina teo an-toerana ka niantso polisy avy hatrany. Tonga teny an-toerana ny polisy ka voamarina tokoa ny zava-doza nataony. Naratra mafy teo amin’ny lohany ilay zaza. Tsy vitan’izay fa folaka ihany koa ny tanany havia noho ny vono mafy nianjady taminy. Nosamborin’ny polisy ilay renikely raha nentina notsaboina kosa ilay niharam-boina. Niaiky ity ramatoa ity fa nanao herisetra tamin’ilay zana-badiny nandritra ny fanadihadian’ny polisy.
J.C
French