Mamita iraka ofisialy atsy amin’ny Nosy La Réunion ny filohan’ny Antenimiera-doholona, Razafimahefa Herimanana nanomboka ny 19 febroary teo. Miara-dia aminy ny loholona Eddie Serge Fernand sy ny kestiora Manasoa Donat Tang. Maro ny fihaonana sy ny fivoriana ataon’iz6y ireo miaraka amin’ny faritra La Réunion, hikarohana ny fiaraha-miasa azo atao eo amin’ny roa tonta. Isan’izany ny fihaonana tamin’ny loholona atsy La Réunion, Rtoa Nassimah Dindar, sady ny filohan’ny Vondrona fifankatiavana Frantsa-Madagasikara, ao amin’ny Antenimieran-doholona frantsay. Noresahana ny lafiny tontolo iainana, ny famatsiana herinaratra any ambanivohitra, amin’ny alalan’ny fanodinana ny fako an-tokantrano, ny famatsian-drano fisotro, ny fambolena ary ny fampiroboroboana ny tanora.
Nohazavain’ny filohan’ny Antenimieran-doholona, Razafimahefa Herimanana ny ezaka lehibe fambolen-kazo natao tany Ankazobe farany teo.
Nisy ny fivoriana ara-teknika niarahana tamin’ny renioney, ny 21 sy ny 22 febroary. Efa hita ny soritra arahana iarahan’ny roa tonta taorian’ny fivoriana araka asa niarahana tamin’ny mpanolontsaim-paritra La Réunion, misahana ny jono sy ny fifandraisana any ivelany.
Nodinihina koa ny sehatra hafa toy ny fambolena ny fizahantany, ny fanodinan-tsakafo, ny angovo, ny fanorenan-trano, ny fanabeazana, ny fikarohana, sns.
Njaka A.
French