Nifarana omaly ny fifaninanana “Open de St Denis” izay natao tany La Reunion. Fifaninanana izay nanomboka ny asabotsy lasa teo ho an’ny taranja Judo. Nahazo medaly volamena roa sy alimo iray ny atleta malagasy. Ralevazaha Kevin sy Ralevazaha Kenny no nandrombaka ny medaly volamena ho an’ny sokajy (Cadets). Ralevazaha Kenny nandrombaka ny medaly alimo ho an’ny Malagasy teo amin’ny sokajy “Sénior”. Afaka nandray anjara tamin’ity fifaninanana ity avokoa ny firenena rehetra, amin’ny maha “Open” azy. Sambany teo amin’ny tantaran’ny Judo malagasy, nisy kambana mirahalahy nandrombaka medaly ho an’i Madagasikara. Marihina fa avy amin’ny ligin’i Vakinankaratra izy mirahalahy ireto. Novolavolaina tao amin’ny klioba JCA Antsirabe i Kenny sy i Kevin.
Fitia (Mpianatra asa)
French