Nahatafiditra baolina Raveloson Rayan, Malagasy mpilalao baolina kitra ao amin’ny AJ Auxerre Fantsa. Baolina tokana nitondra fandresena ho an’ny AJ Auxerre, rehefa nandavo ny FC Lorient, klioba frantsay tamin’ny isa 1 no ho 0. Lalao notanterahina, omaly, tao amin’ny kianjan’i Le Moustoir Frantsa. Fihaonana tafiditra amin’ny andro faha-25 ny fiadiana ny ho tompondakan’i Frantsa na « Ligue 1 ».
« Coup Franc » tsara petraka no tafiditr’i Rayan Raveloson, teo amin’ny faha-58 minitra nilalaovana. I Rayan irery no mpilalao nahatafiditra baolina “coup franc” tao amin’ny Auxerre, taorian’i Dudka ny taona 2011, raha nihaona tamin’ny Paris Saint Germain, klioba frantsay.
Andrasan’ny rehetra amin’ny lalaon’ny Barea sy i Centre Afrique i Rayan Raveloson.
Fitia (Mpianatra asa)
French