Niaraka nidina tany Ambositra, faritra Amoron’i Mania, ny 25 febroary teo, ny minisitry ny Harena an-kibon’ny tany sy ny loharanon-karena stratejika, Rakotomalala Herindrainy Olivier, sy ny ao amin’ ny Angovo sy ny akoranafo, Andriamanampisoa Soloniaina. Anton-dian’izy ireo ny nijery ny fotodrafitrasa simban’ny rivodoza Freddy, sady nitondra fanampiana ho an’ny traboina. Toa ny vary, menaka, voamaina, siramamy, savony, PPN vatsy Tsinjo, koveta, tafo fanitso ary jiro Cobra.
Nampiandraiketina hitsinjara ao anatin’ny mangarahara ny fanampiana, indrindra ny fianakaviana tena marefo, ny Foibem-paritry ny fitantanana ny ambana sy ny loza voajanahary (CRGRC) Amoron’i Mania, eo ambany fiahin’ny governoran’ny faritra.
Nitohy tany Fandriana ny dian’izy ireo, nizara ny fanampiana. Hanazavana ny tanàna ny jiro Cobra, ka laharam-pahamehana ny hopitaly, ny sekoly ary ny toerana be mpampiasa sy mpandeha. Nomena fanampiana koa ny zokiolona sy ny tanora skoto. Nampahafantarina ny mponina koa ny minisitra vaovao, Andriamanampisoa Soloniaina sy ny governora Rtoa Fomendraza Haingo Elisette.
Njaka A.
French