Fahatsiarovana an’i Gabhy : nankalazaina ny faha-90 taona nahaterahany

Tontosa ny tolakandron’ny sabotsy 4 marsa 2023 teo, teny amin’ny CC ESCA An­tanimena ny fampisehoana fahatsiarovana an’i Ghaby. Nandritra io fotoana io ihany koa no nankalazana ny tsingerintaona faha-90 nahatera­han’i Ghaby na Rabehasina Gabriel. Ny fianakaviany,
ny niara-nihira taminy ary mpian­galy mozika maro no tonga nanatrika ity fampisehoana ity. Tsapa ny mbola ny fisian’ny mpankafy ny hira sy kanto napetrak’ i Ghaby.
Mpanakanto maro no na­melona indray ny hira nokaloin’i Ghaby. Anisan’ny niavaka nandritra ity fampisehoana ity ny fisian’ny tarika Ghaby, vondrona tanora mikalo ny hira nampalaza an’ity kintan’ny kanto malagasy ity. An­koatra izay, nanakoako tao amin’ny CCESCA Antani­mena ny feon’i Lisa Raseta sy Salomon. Ireto farany izay niaraka nihira tamin’i Ghaby tamin’ny fahavelony.
Natokan’ny ministeran’ny Serasera sy ny kolontsaina ahatsiarovana sy hanomezam-boninahitra ity kintan’ny kanto malagasy ity ny volana marsa. Maro ny hetsika atao ao anatin’izany. Anisan’izany ny fampahafantarana ny momba azy sy ny fampiran­tina ary famelabelarana.

Lin (Mpianatra asa)