Nanao antso avo ho an’ny zanaky ny faritanin’i Fianarantsoa mba haneho firaisankina sy hifanome tanana ho amin’ny fampandrosoana ny vondron’ny zanaky betsileo, Betsi-Groupe. «Mila hamafisina izany hanehoana fa manana ny maha izy azy isika na eo amin’ny politika na sosialy na asa fampandrosoana… Ilana tolo-tanana avokoa izany”, hoy izy ireo.
Zanak’i Fianarantsoa,lasa minisitra
Nanterin’izy ireo fa finiavana sy fitiavana avy amin’ izy ireo tsirairay no hanohanana izao fitondrana izao ary vonona ny hanome tanana ny Betsi-Groupe. Tsy vita eny ambony latabatra izany fa mitaky fandraisana andraikitra amin’ny fitsinjovana ireo mpiara-belona eny ifotony, araka ny nambaran’ izy ireo hatrany.
Nankasitrahan’izy ireo ny filoha Rajoelina Andry sy ny Praiminisitra Ntsay Christian mbola nametraka fitokisana tamin’ny zanak’i Fiarantsoa ka nanendry ny mpikambana vaovao ao anatiny goveremanta farany teo. «Midika izany fa tsy mitanila na faritra aiza na faritra aiza izao fitondrana izao. Mijery ny tombontsoa iombonana hampandrosoana ny firenena”, hoy izy ireo.
Tsiahivina fa namboly hazo ny faran’ny herinandro ny Betsi-Groupe ho fanantanterahana ny veliranon’ny filoha. Maherin’ny 1 000 ny zanakazo novolena tao Ambatomainty, Fianarantsoa. Nahatonga solontena ireo fokontany, miisa 53. Mbola hanao tahaka izany amin’ny faritra hafa izy ireo hanampiana ny mpiara-belona.
Synèse R.
French