Nizara fanampiana sy tohana ara-tsakafo ho an’ireo vahoaka marefo sy niharan’ ny voka-dratsy nateraky ny rivodoza Freddy tany Nosy Varika ny fitondram-panjakana. Hanamaivanana ny fahasahiranan’ny mponina sy hahafahan’izy ireo miarina haingana izany.
Tokantrano miisa 1864 ao amin’ny fokontany 16 ao anatin’ny kaominina an-drenivohitr’i Nosy Varika no nisitraka ny Vatsy tsinjo ahitana vary, menaka, tsaramaso, sira, sns….
Natao laharam-pahamehana koa ny fanampiana kaominina vitsivitsy, tena voa mafy tamin’ny nandalovan’ny rivodoza.
Halefa tsy ho ela ny anjaran’ny kaominina Ampasinambo sy Fanivelona anisan’ ireo lasibatra ihany koa, ary hankinina amin’ny manam-pahefana any an-toerana ny fizaràna.
Anisan’ny zava-dehibe napetraka nandritra ity fizarana ity ny fametrahana ny karnem-pokontany sy fandraketana anaty «données numériques» (plateforme «e-fokontany, rescue -data») ny mombamomba ireo rehetra nisitraka ny fanampiana.
Synèse R.
French