Minisitry ny Fitsarana: “Tsy ampy ny isan’ny mpitsara”

“Tsy ampy ny isan’ny mpitsara…”, hoy ny minisitry ny Fitsarana, Randriama­na­ntenasoa Landy Mbo­la­tiana, taorian’ny fotoam-pitsarana nanombohana ny taom-pitsarana, taona 2023, teny Anosy, omaly. Miasa mafy ny mpitsara amin’izay tsy fahampiana isa izay. Mbola tohizana ny ezaka amin’ny fanafainganana ny raharaham-pitsarana. Eo ny raharaha ady tany, ny ady heloka, ny famoahana didy amin’ny fanomezana kopia faobe…
Tsy ho ela ny famoahana drafitrasa momba ny raharaha ady tany. Eto Anta­na­na­ri­vo no hanombohana azy. Om­aly sy anio ihany no tsy misy ny fotoam-pitsarana. Mi­­sokatra indray izany amin’ ny alatsinainy izao. Tom­bo­ny lehibe ny fiatoan’ny fotoam-pitsarana, nahazoana mahalala ankapoben’ny asa vita sy ny paikadin’ireo rantsana sy ambaratongam-pitsarana amin’ny hoavy. Fantatra hatramin’ireo fitsarana ma­no­didina izany. Mila jerena ny teo aloha mba hahazoana manatsara ny hoavy.

R. Nd.