Notanterahina omaly, teny amin’ny kianjan’ny Elgeco Plus, ny andro faha- 11, fifaninanana Orange Pro League ho an’ny kaonferansy atsimo. Lavon’ny CFFA Andoharanofotsy tamin’ny isa 1 no ho 0 ny Disciples FC Analamanga. Miakatra eo amin’ny laharana faharoa amin’ity vondrona atsimo ity ny CFFA, manana isa 13. Raha hiverenana ny lalao, nanindry tanteraka ny Disciples FC 10 minitra nanombohan’ny lalao. Taorian’ io, nifandimby ny fifanafihana teo amin’ny roa tonta, saingy tsy nisy nahatafiditra baolina izy ireo. Ady sahala, 0 no ho 0, nentina niala sasatra. Nanova paikady ny mpanazatran’Andoharanofotsy, Rasoanaivo Titi, teo amin’ny fizaram-potoana faharoa. Nahomby ny paikady, ka nahatafiditra baolina i Lalaina, minitra faha-65. Io baolina tokana io no nitondra fandresena ho an’ny ekipan-dry Carlos, lohalarana CFFA. Midina eo amin’ny laharana fahadimy, araka izany, ny Disciples FC, manana isa 10.
Fitia (Mpianatra asa)
French