Nampiakatra ny laharany eo amin’ny sehatra iraisam-pirenena, ny nandrombahan-dRasoanaivo Razafy Laura ny medaly volamena 2, nandritra ny fifaninanana “Open de Tunis African Cup”, taranja Judo. Fifaninanana natao tany Tunisie, ny faran’ny herinandro teo. Tafakatra laharana faha-4 eran-tany, eo amin’ny sokajy Junior, araka izany, ity Judoka malagasy ity, noho ny vokatra tsara azony. Tsiahivina, ny laharana faha-6 eran-tany no nifanandrina tamin’i Laura, teo amin’ny famaranan’ny sokajy Junior latsaky ny 70 kg. Mbola io judoka lituanienne io ihany no nihaona taminy teo amin’ny sokajy Senior ary resiny. Manana isa 300 i Laura izao tafapetraka eo amin’ny laharana faha-4 eran-tany, sokajy Junior izao. Isa 516 kosa ny an’ilay judoka mitana ny laharana voalohany ary manana isa 345 ny laharana fahatelo. Mbola maro ny tanjon’i Laura eo amin’ny fifaninanana iraisam-pirenena. Anisan’izany ny hahazoany medaly amin’ny lalao Olympika 2025.
Fifaninanana iraisam-pirenena goavana ihany koa ny mbola miandry azy mialoha izany.
Mi.Raz
French