Raikitra ny « Tomokazu Training Camp » ! Fanomezana fanazaran-tena sy fizarana traikefa ataon’ilay Japoney tsara sitrapo, i Tomokazu Iwahori, miara-miasa akaiky amin’ny federasiona malagasin’ny Judo. Ny ligin’Atsimo Andrefana no misitraka izany voalohany, nanomboka tamin’ ity herinandro ity ary hitohy hatramin’ny 19 marsa ho avy izao. Misy amin’ireo mpikatroka ao anatin’ny ekipa nasionaly mipetraka any Toliara, homena fampiofanana manokana, hanomanana sahady ny fifaninanana iraisam-pirenena miandry ato ho ato.
Araka ny fandaharam-potoana, hitety faritra ity manam-pahaizana japoney ity amin’izay fizarana traikefa izay. Aorian’i Toliara, hahazo ny anjarany ihany koa ireo mpikatroka avy amin’ny ligin’Atsinanana, ny volana mey izao. Nisaotra ny JICA Madagasikara ny federasiona malagasin’ny Judo amin’izao fiaraha-miasa ho fampandrosoana ny Judo malagasy izao.
Mi.Raz
French