Oniversiten’Antananarivo : manomboka ny 3 avrily ny fialan-tsasatra

Nivory ny filankevitra siantifika eny anivon’ny oniversiten’Antananarivo, omaly. Voalazan’ny tatitry ny fivoriana fa efa voafaritra mialoha ny antony tokony hampiakarana filankevi-pifehezana ny olona iray ao anatin’ny oniversiten’Anta­nanarivo. Fisandohana olona, fanaovana hosoka, diplaoma hosoka… no antony mitarika amin’izany, araka ny fepetra napetraka nanomboka ny taona 2020. Miangavy ny tomponandraikitra ireo mpikambana amin’ny filanke­vitra siantifika tsy hanafangaro ny raharaha momba ny onivesite amin’ny zavatra hafa tsy misy idirany mihi­tsy.
Hiroso amin’ny fialan-tsasatra ho an’ny fetin’ny Paska ny oniversiten’An­ta­nanarivo ny 3 ka hatramin’ ny 11 avrily, arakaraka ny lamina ataon’ny fakiolte tsirairay.
Tokony hiakatra “Codis” amin’ny alatsinainy ho avy izao ny mpianatra efatra eny Vontovorona noho ny korontana niseho teny. Mazava ny fanambaran’ny filankevitra siantifika, omaly.

Vonjy A.