Ela no niketrehana ! “Tafiaradia” an-tsehatra etsy amin’ny Le Zoma Faravohitra ry Tal sy Rivoglita, anio, manomboka amin’ny 8 ora alina. Rivoglita, havanana amin’ny fitendrena gitara sy ny fihirana. Maro rahateo ireo mpanakanto efa niarahany an-tsehatra. Anisan’izany i Bobo Mahavanona. I Tal, mpanakanto manana ny maha izy azy na somary tsy dia hita matetika aza ankehitriny . Efa niara- nihira tamin-dry Tonton Pa (Rebika) sy i Jose (tarika Hasina). “Efa vonona tanteraka amin’ity seho tsy manampaharoa ity izahay roa lahy ary hanome zavatra mahafinaritra ho an’ny mpankafy…”, hoy izy ireo. Hahazo tombony indray izany ny mpankafy gitara sy vazovazo amin’ity faran’ny herinandro ity. Maimaimpoana rahateo ny seho.
Nanangona : HaRy Razafindrakoto
French