Nampahafantatra ny fiadidiana ny tanànan’Antananarivo fa ho tapaka amin’ ny ampahany ny lalana Ratsimba, miainga eo amin’ ny Lycée Gallieni mihazo ny lalana Ravelojaona (kaomisarian’ny boriborintany faharoa), hatreo amin’ny lalana Joël Rakotomalala (Jules Ferry). Ny sabotsy izao no hisian’ny fahatapahana manomboka amin’ny 8 ora ka hatramin’ny 9 ora maraina.
Mila manaraka fandaminana, araka izany, ireo izay tsy maintsy hampiasa iny lalana iny anio amin’ ireo ora voatondro ireo.
Nahazo fahazoan-dalana avy amin’ny prefektoran’ny polisy, araka ny laharana 062/23-MID/PREF. POL/AG, ny 14 marsa teo, hanao ny « carnaval » ny Comité Namako ny Tany ka izay no anton’ny fahatapahan-dalana.
Nanamarika ny fiadidiana ny tanàna fa tompon’ andraikitra feno amin’ny fitandroana ny filaminana mandritra ny fotoana rehetra hanaovany ny hetsika ny mpikarakara.
Tatiana A
French