Tapatapaka ny famatsiana herinaratra eto Antananarivo Renivohitra, tato ho ato. Araka ny fanambaran’ny Jirama, tsy tomombana ny milina mpamokatra herinaratra efatra any Mandraka. Nitarika ny filatsahan’ny vata mpanova herinaratra (transformateur) TR7 sy TR8 ao Ambohimanambola izany. Vokany, tsy ampy ny tanjaky ny herinaratra vatsiana ao amin’ny Tambajotra iraisan’Antananarivo (RIA).
Talohan’izany, ny sabotsy 18 marsa teo, nilatsaka koa ny tanjaky ny herinaratra vokarin’ny gropy faha-3 sy ny faha-4 ny toby famokarana herinaratra any Andekaleka.
Raha aravona, misy tsy tomombana foana ny famatsiana herinaratra any amin’ireo toby mpamokatra. Nisehoana fahatapahana herinaratra naharitra ny teto Antananarivo ny zoma alina, manodidina ny tamin’ny 9 ora alina.
Etsy ankilany, nisy lozam-pifamoivoizana an-dalamby nahatsiravina tany amin’ny toby Andekaleka, ny sabotsy 18 marsa teo. Telo ny namoy ny ainy ary mpiasan’ny Jirama roa no raisina an-tanana ao amin’ny Toeram-pitsaboana Andekaleka (antsipirihany Pejy 3).
Njaka A.
French