Nikorontana ny fiarahamonina tao amin’ny fokontany Tambohomandrevo-Fianarantsoa, omaly hariva. Nanafika tokantrano iray tra-pahoriana ny jiolahy roa lahy nirongo zava-maranitra tokony ho tamin’ny 4 ora sy fahefana teo. Niditra an-keriny tao amin’ireo tompon-trano ireo mpanafika ka nikendry ireo fao-dranomaso an’ireto tompom-pahoriana. Nanohitra anefa ny fokonolona. Raikitra ny fifandonana teo amin’ny roa tonta. Vokany, matin’ny fitsaram-bahoaka tamin’izay ireto mpanafika. Fokonolona miisa efatra ihany koa no naratra, vehivavy ny iray raha lehilahy kosa ny telo hafa. Samy naratra an’ilay tsatok’antsy ireto olona voalaza etsy ambony. Taorian’izay, nentina faingana teny amin’ny hopitaly izy rehetra raha manao famotorana momba ity fanafihana ity kosa ny polisim-pirenena ao an-toerana. « Tsy mbola misy ny voasambotra ary izy roalahy maty ireto ireo nahavanon-doza nanao ity fanafihana ity. Mbola manao ny fanadihadiana ny raharaha ihany koa izahay », hoy hatrany ny mpitandro filaminana.
Henintsoa H.
French