Fomba amam-panao : rahampitso ny Taombaovao malagasy

Ny Malagasy, manana ny fombany ! Ezahina haverina sy hampahafantarina ny taranaka aty aoriana ireny fomba amam-panao ireny, amin’ny vanim-potoana le­hi­be tahaka izao. Fidiovana sy tsodrano. Ireo no anisan’ ny tanterahina anio sy ra­ham­pitso. Fidiovana eo amin’ny Malagasy tsirairay, eo amin’ny toerana sy ny faritra ary ny firenena iray manontolo. Tahaka izay ihany koa ny tsodrano izay omen’ireo rai­amandreny.
Manana ireo zavaboahary (hazo, tany…), ahafahana midio ny Malagasy. Ireny no ampiasaina, raha ny fanazavan’ireo mpahay fomba amam-panao. Anisan’izany ny zavamaniry fanazava, man­dravasarotra, sns. Ho an’ny toerana (tanàna, vohitra…) indray, nampiasa ny arendrina hoenti-manadio azy ireny ny Malagasy. Samy hotanterahina anio alina avo­koa ireo. Rahampitso, izay Taombaovao malagasy kosa no handraisana ny tsodrano mba ho velon-kasina hatrany ny tsirairay.

HaRy Razafindrakoto