Manomboka ho hita amin’ny fahitalavitra ny « The Voice Africa » amin’ity volana ity, hahitana ny talentan’ny afrikanina, sady fialamboly. Airtel Africa, iray amin’ireo mpandraharaha amin’ny fifandraisan-davitra sy fikirakirana ara-bola, 14 taona nisy taty Afrika nanambara fa handrasana io fandaharana io manomboka amin’ny 26 marsa 2023.
Mpanohana ny fandaharana ny Airtel Africa miray dia amin’ny FAME, trano mampiseho fandaharana amin’ny fahitalavitra maimaim-poana sy Airtel TV. 78 804 ny misoratra amin’ny « The Voice Africa” avy amin’ny firenena maro aty Afrika, anisan’izany i Madagasikara. Ary 12 308 ireo manan-talenta notsongaina.
Hampihatra ny fomba fanao maneran-tany “The Voice Africa”, manomboka amin’ny fampihenoana ny jamba sy ny fifaninanana isan-karazany miafara amin’ny fampisehoana mivantana maharitra 25 herinandro ka iray isan-kerinandro. Fandaharana voalohany ho an’ ny jamba manokana, mifantoka amin’ny feo fa tsy amin’ny fahitana. Hatao ho an’ny mpijery maneran-tany ny “The Voice Africa”.
Matoky ny fahaizan’ny tanora afrikanina ny Airtel Africa, tsy ho an’i Afrika ihany fa manerana izao tontolo izao. Tamin’ny 2021, fiaraha-miasan’ny Airtel Africa tamin’ny Unicef nahatratra 57 tapitrisa dolara ho an’ny fanabeazana. Eo koa ny fanampiana isan-karazany hatramin’ny fanatanjahantena.
Ndrina
French