Nomarihina, omaly, ny faha-200 taona namoahan’ny mpanjaka Radama I ny lalàna momba ny abidia malagasy. Nanatanteraka izany, tao amin’ny FJKM Tranovato Ambatonakanga ,ny Havàtsa-Upem. Fantatra fa ny tantara sy ny soratra ary ny fivavahana kristianina no toko telo ho an’ny fitahirizana ny teny malagasy. Na tsy mbola maro aza ny Malagasy. Nohajain’ny rehetra izay vitan’ireo nikaroka. Nahatahiry ny teny malagasy, ohatra, ny Baiboly, noho izy vita printy efa ela.
Na nalaina tao anatin’ny alfabeta latinina aza ny abidia malagasy, nesorina ireo litera « c, u, w, x » heverina fa endri-tsoratra tsy heno amin’ny fiteny malagasy. Nampifanarahina tamin’ny feo aloaky ny vava kosa ny litera sasany tahaka ny « o », ary natambatra ho iray ny litera samihafa hamoahana teny toy ny « dr -» , « tr -», sns.
Tsetsatsetsa tsy aritra no ilazana fa efa nisy ny mpikaroka nanolo-kevitra ny hampidirana ny « c, u, w, x… » ao anatin’ny teny malagasy !
HaRy Razafindrakoto
French