Naratra teo amin’ny feny ny renim-pianakaviana iray notafihan’ny jiolahy mitam-piadiana tao amin’ny kaominina Ambohitsilaozana, distrikan’ Ambatondrazaka, ny alin’ny 28 marsa teo. Tamin’ny 11 ora alina, niditra an-keriny tao amin’ny tokantrano iray . Nitady ny vola, nirefotra inefatra misesy ny basy. Raikitra ny fikarohana ireo olon-dratsy. Tsy hita popoka ireto farany. Ankoatra izay, novelesin’ireo jiolahy ny vodibasy koa ny zanakavavin’ny voatafika. Nitaky vola izy ireo saingy tsy nahazo na inona na inona. Nentin’ny manodidina nihazo ny toeram-pitsaboana avy hatrany ilay ramatoa naratra. Tsy misy atahorana ny ainy.
Tsiferana R.
French