Niharan’ny fitsaram-bahoaka, naratra mafy ny lehilahy iray. Nahatraran’ny fokonolona entana halatra tao Analanjahana, fokontanin’ Androkaroka, kaominina Mananara, afakomaly maraina. Nangalatra tao amin’io fokontany io izy. Raikitra ny fanenjehana fokonolona ka tsy afa-bela ilay olon-dratsy. Lavo tamin’ny tany, raikitra ny fikasihan-tanana sy ny daroka. Nanampy trotraka ny hatezeran’ny fokonolona izay efa leo ny tsy fandriampahalemana ao an-toerana. Nahare ny zava-nisy ny mpitandro filaminana ary nijery ifotony ny raharaha. Nentina natao fanadihadiana, araka izany, ilay jiolahy. Avotra tamin’ny fikasihan-tanana nataon’ireo olon-tsotra nisambotra azy noho izany ity farany. Sarona teny aminy ny famokarana herinaratra mandeha amin’ny masoandro sy ireo entana halatra hafa. Mitohy ny fanadihadiana ataon’ny mpitandro filaminana.
Tsiferana R.
French