Tontosaina rahampitso, eny amin’ny Cercle-Germano Malagasy, CGM Analakely, ny fifaninanana “Tour’ nao”, fihodinana voalohany. Fifaninanana Slam poèsie, karakarain’ny Madagaslam Section Tana (MST). Misy ny fepetra manokana mandritra ny fifaninanana Slam poèsie.
Efa manomboka ny fifaninanana fanomanana ny Slam nasionaly. Anisan’izany ity karakarain’ny Madagaslam Section Tana ity. Fihodinana voalohany ity hotanterahina eny amin’ny CGM Analakely ity. Indroa miakatra an-tsehatra ny mpifaninana amin’ity fifaninanana ity. Voafetra ho 3 minitra sy 10 segondra ny fiakarana voalohany, raha 2 minitra kosa ny faharoa. Tsy mahazo mampiasa na inona na inona ny mpandray anjara, na taratasy, na kahie na finday. Mihena 0,5 isaky ny fandikan-dalàna ny isan’izay manao izany.
Lin
(Mpianatra asa)
French