Ho fanamafisana ny fiarahana sy fiaraha-miasa miaraka amin’ny ben’ny Tanànan’ Antananarivo Renivohitra, Andriantsitohaina Naina. Nisy ny fiaraha-misakafo tamin’ireo mpiasa efa misotro ronono ny faran’ny herinandro teo, teny amin’ny zaridaina Anosy.
Mahatsapa mbola manana adidy amin’ny fanampiana ny mpitantana sy ireo zandry mpiara-miasa amin’ny fanoroana azy ireo ny zoky.
Ray aman-dreny anisan’ny manana traikefa maro amin’ny asan’ny kaominina izy ireo. Mbola vonona hatrany ny fikambanana hiara-hiasa amin’ny ben’ny Tanàna amin’ny fanatanterahana ny vina sy ny fampandrosoana ny tanànan’Antananarivo. Efa betsaka ny hetsika niarahan’ny fikambanana sy ny ben’ny Tanàna nanatanteraka, toy ny fambolen-kazo, fanadiovana ny tanàna sy ireo asa sosialy maro samihafa.
Manao fanentanana ny mponina ihany koa izy ireo amin’ny fanajana ny fahadiovana sy ny fanajana ny tontolo iainana.
Vonjy A.
French