Nisaraka ady sahala 1 sy 1 ny Tsaramandroso Formation (TFFC) sy ny Cosfa, teo amin’ny andro faha-13, iadiana ny ho tompondakan’i Madagasikara Orange Pro League (OPL), taranja baolina kitra ho an’ny kaonferansy avaratra. Fihaonana, natao ny sabotsy lasa teo, tao amin’ny kianja Rabemananjara. Raha noheverina fa mahery ny miaramila, tsy nikoso-maso mihitsy ny TFFC. Porofon’ izany, nanokatra ny isa voalohany izy ireo, teo amin’ny minitra faha-17, tamin’ny alalan’i Merinot. Efa tany amin’ny faha-42 mn, vao nahasahala ny isa, i Toky. Fizaram-potoana faharoa, samy niezaka nanafika ny roa tonta saingy tsy nisy intsony ny baolina maty. Tsiahivina fa efa tafita amin’ny “Play-off”, ny Cosfa.
Tompondaka
Ireo voka-dalao rehetra
-CFFA (1) – (0) 3FB Toliara
-AS Fanalamanga (2) – (1) Tia Kitra
-Elgeco Plus (1) – (0) Dato FC
-ASA Diana (3) – (1) Fosa Jr
-Uscafoot (0) – (1) Ajesaia
-Zanakala (2) – (2) Disciples FC
-Jet Kintana (0) – (1) Mama FC
French