Mpiara-miombon’antoka tamin’ny hetsika fihaonambem-paritry ny fandraharahana, na BFR (Business Forum Régionaux) ho an’ny faritra Alaotra Mangoro, Atsinanana ary Analanjirofo ny banky BNI. Nikarakara azy ny EBD M, izay natao tany Toamasina, ny herinandro lasa teo.
Nandray anjara tamin’ny famelabelaran-kevitra ny banky BNI, ka nitondra ny teny Rtoa Rakotovao Hanta, talen’ny vovonana orinasa madinika sy salantsalany PME. Lohahevitra novelabelariny ny hoe « famatsiambola ny rohim-pihariana, fanoitra mitondra fampandrosoana ny sehatry ny fambolena ». Tafiditra ao anatin’ny loabary an-dasy natokana ho an’ny tetikasa mikasika ny vokatra indostrialy ho an’ny fambolena izany. Eo koa, ny tantsoroka ara-teknika sy fanohanana ny mpiara-miombon’antoka ara-teknika sy ara-bola.
Masoivoho 15
Anisan’ny anehoan’ny BNI izay fanohanany ny fandraharahana amin’ny rohim-pihariana amin’ny fambolena izay ny fisian’ireo masoivohony miisa 15 any amin’ireo faritra telo ireo. Misy ny tolotra vaovao omena ny mpanjifa, misy ny fitsinjovana manokana ny mpandraharaha madinika sy salantsalany (PME) sy ny orinasa tena madinika (TPME).
Eo koa ny tolotra KRED, entina manofana ny mpandraharaha. Manampy izany ny fiaraha-miombon’antoka amin’ny fandaharanasa Fihariana, sy ny Banky afrikanina ho an’ny fampandrosoana (Bad), sns.
Njaka A.
French