Hikajiana ny tontolo iainana an-dranomasina sy hampaharitra azy. Hampiakarana ny fari-piainan’ny mpanjono madinika, ireo no tanjona napetraka amin’ny fanaingana ny tetikasa “Îles Barren” ao ampitan’i Maintirano sy ny ao amin’ny “Réserve de Biosphère” Tsimanampetsotse Nosy Ve-Androka. Omaly, nisy ny atrikasa momba ireto tetikasa roa lehibe ireo izay iarahana amin’ny WWF sy ny Blue Ventures. Aharitra dimy taona ity tetikasa ity izay vatsian’ny Green Climate Fund sy ny Blue Action Fund. Manome tahan-tsoroka teknika amin’ireo mpiara-miombon’antoka ny minisiteran’ny Jono sy ny toekarena manga sy ny minisiteran’ny Tontolo iainana hampahomby izany. Nanokatra izany tamin’ny fomba ofisialy ny minisitry ny Jono sy ny Toekarena manga, Mahatante Paubert, notronin’ny solontenan’ny avy amin’ny minisiteran’ny Tontolo iainana sy ny fampandrosoana lovainjafy. Tao ihany koa ny avy amin’ny firahamonim-pirenena, ny avy amin’ny WWF sy ny Blue Ventures. Natao izao hahafahana manova ny tantaran’ny jono sy ny fikajiana ny zava-boahary amin’ireo toerana roa ireo.
Henintsoa H.
French