Voasambotry ny zandary avy ao amin’ny tobim-paritra Talatamaty, omaly, ireo dimy voarohirohy ho tompon’antoka tamina halatra moto. Araka ny fampitam-baovao voaray avy amin’ny zandary, nikasa hivarotra moto tsy misy taratasy teny amin’iny faritra Talatamaty iny ry zalahy. Efa nahazo angom-baovao mialoha anefa ny zandary ka nametraka ny paikady rehetra hahafahana misambotra azy ireo. Noraisim-potsiny izy ireo niaraka tamin’ny moto Scooter roa. Nilaza ry zalahy nandritra ny fanadihadiana savaranonando nataon’ny zandary fa nangalarina teny Anosiala Ambohidratrimo ireto moto ireto. Nokasaina hamidy teo Talatamaty izy ireo kanjo izao tratran’ny vela-pandriky ny zandary izao. Ao anatina tambajotran-jiolahy mpangalatra moto ireto jiolahy ireto, raha ny tatitra nampitain’ny zandary hatrany. Miantso ny tompon’ireo moto ny zandary mba hanatona ny birao haka ny fananany.
J.C
French