Nisokatra ny 21 avrily lasa teo, tamin’ny fambolena zanakazo, teo anoloan’ny Crjs sy CEG Ratsimilaho sy fitokanana tsangambato manamarika ny tsingerintaona faha-15 taona niorenan’ny fikambanan’ny mpanao gazety Toamasina (A.J.T).
Nitarika ny hetsika ny filohany, Sabotsy José, izay solontena maharitry ny gazety Taratra ao Toamasina. Nisy
ny fanentanana hitsirihan’ny olom-pirenena ny anarany anatin’ny lisi-pifidianana eny anivon’ny fokontany. Teo ihany koa ny fanentanana ny tsirairay hanohy ny fiarovan-tena momba ny ady amin’ny Covid-19. Nomarihin’ny filohan’ny fikambanana fa manana andraikitra amin’ny fanamaitsoana an’i Madagasikara, indrindra ny fametrahana an’ i Toamasina ho kaominina ambonivohitra maitso sy madio ary maha te-honina.
Nampiavaka ny fambolen-kazo ny fisian’ny zanaka Baobab, niainga tamin’ny vatomamy voana baobab no nentina avy any Mahajanga ny taona 2017. Ankoatra ny zanaka Baobab, namboly palmier royal miisa 22 ihany koa ny mpanao gazety ary notronin’ ny olom-panjakana maro. Ny volana oktobra kosa ny fanakatonana ny fankalazana. Hetsika maro no mbola hanamarihana izany.
Sajo
French