Ny Mama FC sy ny Disciples FC no ekipa roa hanampy ireo klioba dimy efa tafita hiatrika ny “Playoff OPL 2023”, taranja baolina kitra. Tsiahivina fa nisaraka ady sahala 1 no ho 1 ny Mama FC sy ny Disciples FC, nandritra ny lalao nataon’izy ireo teny amin’ny kianjan’ny Elgeco Plus Stadium, ny omaly alahady 23 avrily.
Mitotaly fito, araka izany, ireo ekipa manao « Playoff » hatramin’izao, anisan’izany ny Fosa Junior, ny Cosfa, ny As Fanalamanga ho an’ny kaonferansy avaratra, raha toa ka ny CFFA, Elgeco Plus, Mama FC, Disciples FC, ny an’ny atsimo. Marihina fa tapakila iray sisa no hiadian’ireo ekipa ao amin’ny vondrona avaratra. Tsara ny mampahatsiahy fa mbola manana lalao 3 ny ASA Diana, laharana faha-6, mitana isa 12 ao amin’ny kaonferansy avaratra. Araka izany, mbola manana herijika hiakarana amin’ny « Playoff » izy ireo, raha toa ka mahazo fandresena amin’ireo lalao tara ireo.
Fitia (Mpianatra asa)
French