Jly Sahivelo Delphin : nankahery ireo miaramila mpampandry tany

Mitohy ny ady amin’ny tsy fandriampahalemana ataon’ny Tafika. Nisy ny fidinana ifotony nataon’ny lehiben’ny Etamazaoron’ireo Tafika any amin’ireo faritra mena amin’ny tsy fandriampahalemana…

Manara-maso ny fi­zotry ny hetsika fampandriana fahalemana “Tselatra” ataon’ireo miaramila ny lehiben’ny Etamazaoron’ ireo Tafika, ny Jly Sahivelo Lala Monja Delphin sy ireo mpiara-miasa aminy. Na­nao tomban’ezaka ny zava-bita sy nanadihady ny zava-nisy eny an-kianja izy ireo mba hanatsarana ny fomba fiasa sy hitadiavana vahaolana hametrahana fandri­ampahalemana maharitra. Anisan’ireo faritra voasokajy ho faritra mena rahateo ny faritra Menabe sy ny manodidina iny. Nitafatafa tamin’ireo tomponandraiki-panjakana sy olom-boafidy ary ireo vahoaka any an-toerana ity manamboninahitra jeneraly ity sady ni­haino ny hetahetan’ny mponina manoloana ny tsy fandriampahalemana. Nankahery ireo miaramila miantsehatra eny an-kianja izy ka nampahatsiahy fa tokony hanana fitondran-tena mendrika hatrany ny miaramiala mba hitohizan’ny fitokisan’ny vahoaka azy ireo.

Jean Claude