Nanao hetsika fitakiana ny hamerenana aminy ny taniny ireo mponina mahatsiaro ho tratran’ny tsindry hazolena etsy amin’ny kaominina Fenoarivo, omaly. Tokantrano 200 mahery izy ireo no milaza ho tompon’ny tany sy efa nanajary izany. Tany mirefy 23ha mahery no nalaina tamin’izy ireo an-keriny, raha ny fanazavan’ny lehiben’ny fokontany ao Ambohijatovo Antanimarina, Rakotoarimanana Jean Louis. Nanajary ny tany efa ho 50 taona mahery ireo mponina. Olona 9 anefa no mikiry manala ankehitriny azy ireo eo noho ny fivadiham-pitokisana, raha ny fanazavana hatrany.
Efa nijoro tamin’ny taona 2005 ny fikambanan’ny fokonolona nanajary ny tany. Resy hatrany any amin’ny tribonaly ny fikambanan’ny mponina ka manao antso avo amin’ny filoham-pirenena satria mahatsiaro ho atody miady amam-bato.
Tatiana A
French