Tontosa teny amin’ny Coliseum Antsonjombe, ny hetsika “Torajofo”, niarahana tamin’ireo mpanakanto maro samihafa. Mpanakanto maro no nanafana izany hetsika izany ny alahady sy alatsinainy. Tanjon’ny mpikarakara ny fisaorana sy fanomezana fahafaham-po ny mpankafy azy. Eo ihany koa ny fankasitrahana ny mpanakanto, izay niara-niasa tamin’izy ireo hatramin’izay. Ankoatra ny fampisehoana, lalao sy fanentanana maro no nentin’ny mpikarakara niara-nitotorebika tamin’ny mpankafy azy.
Niara-paly tamin’ny ekipan’ny RDJ ny mpankafy azy, ny Alahady sy Alatsinainy teo. Samy nahazo ny anjarany avokoa ireo sokajin-taona tonga teny. Nisy ny tarika sy hira izay nalaza tany amin’ny taona 2000 tany, sahala ny tarika Rebika sy Mage 4 ary Lola. Tsy adinon’ny mpikarakara ihany koa anefa ny nanome fahafinaretana ny tanora, tamin’ny alalan’ny fampisehoana nataon’ny tarika sy mpanakanto manana ny lazany ankehitriny. “Mitohy hatrany ny fiarahana ary vonona izahay hanome sy hampifaly hatrany ny mpankafy anay” hoy ny mpikarakara.
Lin (Mpianatra asa)
French