Natao ny alahady lasa teo, tetsy Anosy, ny fiadiana ny tompondakan’Analamanga ASIEF, taranja hazakazaka am-bisikileta sy atletisma. Nifaninana ny minisitera 9 tamin’ireo 19. Niara-dalana tamin’izany ny fifaninanana VTT, nahitana minisitera 3 tamin’ireo 4 mpikambana. Hesika nampitondraina ny anarana hoe “Rodoben’ny firaisankina”. Ankoatra ny atletisma, anatiny koa ny fifaninanana ny taranja volley sy basikety ary ny baolina kitra. « Afaka iray volana sy tapany no hiditra amin’ny dingana famaranana », hoy ny Sekretera Jeneraly eo anivon’ny ASIEF, Tahiana Valohery.
Ho an’ny taranja Lomano, efa vita tamin’ny sabotsy teo ny famaranana, natao tetsy amin’ny dobo filomanosan’ny ANS. Tsy mitsahatra miantso ny mpiasam-panjakana hanao fanatanjahantena kosa ny filohan’ny ASIEF, Andrianarison Aimé Botosera. Nohamafisiny fa fanafody tsy vidiam-bola izany.
Eo am-panomanana ny fifaninanana nasionaly, hatao any Toamasina, amin’izao ny ASIEF. Ezaka goavana hatao ny fiadiana amin’ny mpikaraman’ady. Mpiasam-panjakana, hatramin’ny 20000 no handrasana mandritra izany.
Mi.Raz
French