Mahita hirika ihany! Nifanehatra tamin’ny polisy miasa ao amin’ny kaomisaria boriborintany faharoa (CSP2) Ambohijatovo ambony, teny Ampasanimalo Ankorahotra, afakomaly, ny jiolahy iray nikasa hanatanteraka vaky trano. Toy ny fanao mahazatra, nanatanteraka fisafoana an’elakela-trano amin’iny faritra iny ny polisy ka nifanehatra tamina jiolahy. Teo am-pianihana tranon’olona izy no nalain’ny polisy teo ambony tamboho. Efa saika tafahoatra ny fefy izy tamin’ny fotoana nandalovan’ny polisy. Nomarihin’ny polisy fa izy irery no nikasa hanatanteraka ilay famakiana trano. Nosamborina nentina nanaovana fanadihadiana. Naiditra am-ponja eny Antanimora rehefa avy natolotra ny fampanoavana. Mitohy hatrany ny hetsika fampandriana fahalemana ataon’ny polisy.
Jean Claude
French