Ny tontolo iainana, araka ny aingam-panahin’ireo mpanoratra. Niompana tamin’ny tany sy ny rano ary ny ala ny lohahevitry ny fifaninanana tononkalo izay nentina nanamarihana ny Andro maneran-tany hoan’ny poezia, ny 21 marsa lasa teo. Sanganasa 10 no nosafidian’ny komity mpikarakara, izay natolotra nodinihin’ny mpitsara.
Nivoaka omaly, tetsy amin’ny foiben’ny Comnat-Unesco, ny valin’ny fifaninanana. Nibata ny laharana voalohany i Ny Ony, tamin’ ny alalan’ny sanganasany, «Tontolo iainantsika». Laharana faharoa i Mitsinjo tamin’ny asa sorany «Arovy ny ala». Fahatelo i Sedera tamin’ilay tononkalony «Haintany fahavaratra».
Sanganasa manodidina ny 70 no voaray. Samy nanana ny hanitra ho azy. Sahirana ireo mpitsara tamin’ ny fisafidianana. Olobe tsy zoviana eo amin’ny tontolon’ny literatiora no nindramin’ny fikambanana Satrana hisahanany fitsarana. Anisan’ireny i Nalisoa Ravalitera sy Fanja Raza ary Holiharinaivo Ratrimoheritompo.
Zo ny Aina
French