Handalo an-tanindrazana i Hanitra Ranaivo. Efa maro ireo mpankafy no faly raha naheno izany. Mainka fa hoe hisy ny fampisehoana hataony mandritra izany. Ny efa fantatra aloha dia ny 30 mey amin’ ny 4 ora sy sasany, any Toamasina. Amin’io fotoana io ihany koa no hahafantarana izay ho mpandresy tamin’ny fifaninanan-kira nampanaovin’ity mpanakanto ity. Ilay hira “Maninona e” no nasaina nifaninanan’ireo mpandray anjara, ka izay mendrika indrindra no hampiara-peo an-tsehatra aminy amin’io fotoana io.
Mbola vaovao tsara ho an’ireo mpankafy an’i Hanitra Ranaivo hatrany am-boalohany ihany koa, satria dia fantatra fa anisan’ireo handray anjara amin’ny “Mi’Ritsoka Mifety”, ilay fampisehoana goavana iarahana amin’ireo mpivoy ny vazo an-gitara, vokatry ny tany, izy. Ho tafaraka an-tsehatra indray amin’ ireo namany tao amin’ny Lôlô sy ny tariny i Hanitra, araka izany.
Zo ny Aina
French