Inah, Mirana (Kala Vazo), Fanilo Poppins ary Mbola Talenta. Mpanakanto samy manana ny maha izy azy, natambatry ny fitiavana mamerina sy mamelona ireo hira be mpankafy nandalo vanim-potoana maro izy efatra miandahy ireto.Taorian’ny andrana fiarahana an-tsehatra, raikitra avy hatrany fa hitohy ary ho lava ny lalana. Efa fanindroany no nivoaka nanatontosa seho tany ivelany izy ireo, ary nipetraka tany ny anaran’ny tarika: Les Talenta.
Ankoatra ny “cabaret” izay mahazatra, hiakatra amina sehatra goavana kokoa ary hanatontosa seho miavaka ny Les Talenta. Hamerina ny sanganasan’i Bessa sy Lola izy ireo, ny alahady 11 jona izao, manomboka amin’ny 3 ora, ao amin’ny CCEsca Antanimena.
Hatao amin’ny tendry gitara avokoa ireo hiran’i Bessa nosafidian’izy ireo, izay ravahin’ny feo miavak’izy efatra mianadahy.
Zo ny Aina
French